Peituga de polo rechea de salsa de laranxa

Ingredientes para 4 persoas

4 peitugas de polo
4 liscos de xamón cocido
1 anaco de queixo dun dedo de grosor, cortado en catro tiras
Sal
Pementa
Comiño en po

PARA A SALSA

200 ml de caldo de polo
4 laranxas (o seu zume)
Reladura dunha laranxa
1 cebola
1 dente de allo picado pequeno
2 ramiñas de romeu
Pementa
100 ml de viño branco
1 cullerada de azucre panela
2 culleradas de fariña milla ou maicena

O ingrediente fundamental para esta receita de polo recheo destaca polo seu aroma cítrico e o seu sabor agridoce. Falamos da laranxa, unha froita de temporada con moita fibra, con numerosas propiedades dixestivas e vitaminas do grupo B que axudan a reforzar o sistema inmune. O recheo da peituga de polo pode incluír varios ingredientes como xamón curado, froita, beicon ou marmelada. En Bon Pollo optamos por un de xamón cocido e queixo para lograrmos unha textura moi saborosa ao derreterse no interior. 

Elaboración

  1. Abrir as peitugas de polo, salpementar e empoar co comiño en po.
  2. Colocar un lisco de xamón cocido e unha tira de queixo. Cerrar cun escarvadentes
    para que non se abra. Ao rematar a cocción, retirar.
  3. Quentar un chisco de aceite nunha cazola e marcar as peitugas de polo. Reservar.
  4. Picar a cebola pequena e rustrir na mesma cazola. Engadir o allo picado finiño.
  5. Saltear e agregar o resto dos ingredientes para a salsa, agás a fariña milla. Cociñar
    durante uns 10 minutos.
  6. Disolver a fariña milla cun pouco de caldo frío e engadir á cazola. Remexer para que
    espese. Deixar a cociñar uns 10 minutos máis, ou ata que teña a consistencia
    desexada.
  7. Para darlle á salsa unha textura máis fina, pasar polo procesador.
  8. Engadir o polo, tapar e deixar a cociñar durante 5 minutos máis.
  9. Servir cun chisco de reladura de laranxa e menta picada.

Gustouche esta receita? Seguro que che encantará esta pechuga de polo Hasselback ao forno.