Aliñas de polo con salsa de tomate e anacardios

Aliñas de polo con salsa de tomate e anacardios

Ingredientes para 4 persoas

2 bandexas de alas partidas
Bon Pollo
2 cebolas
3 dentes de allo
6 tomates pera
150 g de anacardios
1 limón
15 g de lévedo nutricional
15 g de parmesano relado
240 ml de bebida vexetal de soia
80 ml de caldo de polo
40 ml de viño tinto
40 ml de salsa de soia
Caiena
Curry en po
Aceite de oliva
Sal
Pementa negra

Aliñas de polo con salsa de tomate e anacardios

Deixamos atrás os meses de máis calor e aínda nos apetecen pratos saudables, pero que comecen a ter un toque outonal. O polo con espinacas, queixo e cogomelos shiitake que preparamos hoxe é perfecto para este comezo de setembro.

O polo á prancha gústalle a todo o mundo, pero sen un saboroso acompañamento pode resultar aburrido. O mollo que adereza este prato vaiche encantar. Os cogomelos shiitake e os tomates secos vanlle dar todo o sabor que esta receita necesita. E o queixo, como non, acabará de potenciar os aromas. Non esperes máis para cociñar este prato que lle vai gustar a todo o mundo.

Elaboración

  1. Pelar e picar as cebolas e os dentes de allo en dados pequenos (brunoise). Reservar.
  2. Pelar e triturar os tomates cun procesador de alimentos. Reservar.
  3. Remollar os anacardios nun cunco con auga quente durante 20 minutos. Escoar, lavar ben e reservar.
  4. Relar a pel do limón. Reservar.
  5. Quentar un chisco de aceite nunha tixola e rustrir as cebolas con dous dentes de allo a lume medio. Salpementar.
  6. Desglasar coa salsa de soia e o viño tinto. Subir o lume para que se evapore o alcohol.
  7. Incorporar os tomates triturados e a caiena picada ao gusto. Cociñar todo xunto durante 30 minutos a lume medio-baixo. Reservar en quente.
  8. Triturar cun procesador de alimentos os anacardios, a bebida vexetal de soia, o dente de allo picado restante, o lévedo nutricional, o queixo parmesano, un chisco de sal e pouquiño de reladura de limón. Procesar ata obter unha crema homoxénea e cremosa. Reservar.
  9. Incorporar a crema de anacardios coa salsa de tomate na tixola e mesturar. Cociñar durante 5 minutos máis a lume medio baixo. Reservar.
  10. Triturar a elaboración anterior cun procesador de alimentos ata obter unha salsa homoxénea. Reservar.
  11. Quentar un chisco de aceite nunha tixola e cociñar as aliñas de polo a lume medio. Salpementar e engadirlle un chisco de curry.
  12. Engadir o caldo, mesturar e cociñar durante uns minutos máis.
  13. Para empratar, servir as aliñas de polo con curry nun prato e acompañar coa salsa de tomate e anacardios.

Se che gustou esta receita, bota unha ollada a estas saborosas alitas de polo ao pemento.