Arroz de polo con feixóns verdes

Ingredientes para 4 persoas

1 polo despezado de Bon Pollo
300 g de arroz bomba
1 cebola
2 dentes de allo
1 pemento vermello
1 pemento verde
200 g de feixóns verdes
1 limón
16 g de carne de pemento chouriceiro
80 g de salsa de tomate
800 ml de caldo de polo
60 ml de viño branco
Herbas provenzais
Azafrán en febras
Aceite de oliva
Sal
Pementa negra

O arroz de polo con feixóns verdes é un dos pratos máis típicos das casas de España. E a razón é sinxela: é doada e o resultado é incrible.

Malia que os procesos son sinxelos, hai que lles prestar moita atención aos tempos de cocción. O resultado do prato vai depender en gran medida de se o arroz está ben cocido, se che quedou demasiado duro ou se che quedou pasado.

Para acompañar o prato, desde Bon Pollo propómosche uns cuarteiróns de limón. Vanlle dar un frescor incrible e, en pleno verán, agradécese… Anímaste a probalo?

Elaboración

  1. Pelar e picar a cebola e os dentes de allo en dados pequenos (brunoise). Reservar.
  2. Lavar e picar os pementos quitándolles as sementes e as partes brancas en dados pequenos (brunoise). Reservar.
  3. Quitar as puntas dos feixóns e picar en dados medianos (mirepoix). Reservar.
  4. Quentar un chisco de aceite nunha cazola e dourar o polo a lume medio cun chisco de herbas provenzais. Salpementar e reservar.
  5. Na mesma cazola, rustrir a cebola e os allos a lume medio.
  6. Desglasar co viño branco e subir o lume para que se evapore o alcohol.
  7. Incorporar os pementos e cociñar durante 5 minutos a lume medio.
  8. Engadir a salsa de tomate e a carne do pemento chouriceiro. Mesturar e refogar durante 5 minutos. Salpementar.
  9. Engadir o polo e o arroz. Cocer durante un par de minutos a lume medio sen deixar de remexer (nacarar o arroz).
  10. Incorporar o caldo (temperado), os feixóns verdes e unhas febras de azafrán. Cocer durante 15-18 minutos a lume medio-baixo.
  11. Deixar repousar o arroz durante 2 minutos, tapado co testo e fóra do lume.
  12. Para empratar, servir a paella de polo nun prato e acompañar cuns cuarteiróns de limón.