Berenxenas reenchidas de polo e verduras

Ingredientes para 4 persoas

6 filetes de peituga de polo Bon Pollo
1 cebola
1 allo porro
2 dentes de allo
3 berenxenas
1 cenoria
1 pemento vermello
3 tomates maduros
80 g de queixo de tetilla
60 ml de viño tinto
60 ml de salsa de soia
Tomiño fresco
Ceboliño
Aceite de oliva
Sal
Pementa negra

Ao ser un prato tan rico e doado de preparar, non sorprende a cantidade de receitas que podemos atopar de berenxenas reenchidas.

Se queres dar coa forma para que o recheo quede especialmente saboroso e che resulte máis contundente, con máis contido nutritivo, propómosche esta versión na cal combinamos verduras e polo. Sen dúbida, unha das nosas preferidas.

Unha vez teñas as berenxenas reenchidas con todo o rustrido de verduras e polo, engádelle un pouquiño de queixo de tetilla por riba e méteo a gratinar no forno durante 2-3 minutos. O resultado final vaiche encantar!

Se es fan das berenxenas, deixámosche por aquí un delicioso paté de polo con berenxena e laranxa, o mellor aliado en calquera cea que teñas que preparar para amigos.

Elaboración

  1. Prequentar o forno a 200 °C.
  2. Lavar, secar e partir as berenxenas pola metade ao longo. Realizar uns cortes en diagonal na carne, sen chegar á pel, e engadir un chorriño de aceite, sal e pementa.
  3. Meter ao forno as berenxenas durante 15-20 minutos a 200 °C, quitarlles a polpa e picala. Reservar.
  4. Cortar os filetes de peituga de polo en tiras medianas. Reservar.
  5. Pelar e picar a cebola, o allo porro, os allos e a cenoria en dados pequenos (brunoise). Reservar.
  6. Lavar e picar o pemento vermello (sen as partes brancas nin as sementes) en dados pequenos (brunoise). Reservar.
  7. Relar os tomates. Reservar.
  8. Picar o queixo de tetilla en dados medianos. Reservar.
  9. Quentar un chisco de aceite e fritir as tiras de polo a lume medio. Salpementar e reservar.
  10. Na mesma tixola, engadir un pouco máis de aceite e rustrir a cebola co allo porro e os allos a lume medio.
  11. Desglasar coa metade de viño tinto e salsa de soia. Subir o lume para que se evapore o alcohol.
  12. Incorporar a cenoria e o pemento vermello. Refogar durante 6-8 minutos a lume medio.
  13. Engadir a polpa da berenxena, os tomates, o polo, o viño e a salsa de soia restante, e mais unhas ramas de tomiño. Mesturar e cocer durante 10-15 minutos a lume medio-baixo.
  14. Reencher as berenxenas co rustrido anterior en engadirlle o queixo de tetilla.
  15. Gratinar as berenxenas durante 2-3 minutos a 250 °C.
  16. Para empratar, servir as berenxenas reenchidas de polo e verduras nun prato e botarlle un pouco de ceboliño por riba.

Gustouche a receita? Pois bota un ollo pola nosa web para atopares as opcións que máis che apetezan.