Coxa de polo con salsa de mandarina especiada

Ingredientes para 4 persoas

2 bandexas de coxa sen óso e sen pel de Bon Pollo
1 kg de mandarinas
100 g de ameixas deshidratadas
100 g de figos deshidratados
4 dentes de allo
1 lima
1 pomelo
10 g de piñóns
50 g de azucre panela
10 g de sal fino
8 g de xenxibre fresco
4 sementes de cardamomo
1 g de sementes de coandro
2 g de sementes de comiño
2 g de pementa de cinco cores en gran
4 follas de loureiro
Ceboliño
Aceite de oliva
Sal
Pementa negra

Cociñaches algunha vez polo con mandarina? Na nosa receita de hoxe, preparamos un mollo con esta froita, especiámolo e combinámolo coa coxa.

Os sabores ácidos, a frescura do coandro e o toque amargo do pomelo vante trasladar a paraísos exóticos. Neste prato, a dozura tráena as ameixas, os figos e o azucre de panela. Con receitas coma esta é imposible aburrirse na cociña!

Descubre todos os detalles deste prato e moitos máis no enlace da bio.

Elaboración

  1. Partir as ameixas e os figos á metade. Reservar.

  2. Relar as peles e espremer todos os cítricos. Reservar por separado.

  3. Pelar e picar o xenxibre e dous dentes de allo (sen o xerme) en dados pequenos (brunoise). Reservar.

  4. Pelar as sementes de cardamomo da vaíña. Reservar os grans.

  5. Torrar as sementes de cardamomo, coandro, comiño e pementa nunha tixola (sen aceite) a lume medio durante 2 ou 3 minutos.

  6. Moer as sementes torradas ata obter un po. Reservar.

  7. Quentar aceite de oliva nunha tixola e cocer a lume medio as coxas de polo coas follas de loureiro e dous dentes de allo esmagados. Salpementar por ambos os lados e reservar.

  8. Nunha tixola, disolver o azucre cos zumes dos cítricos sen parar de remexer e levar a ebulición.

  9. Engadir a reladura dos cítricos, o po das sementes, o sal, o xenxibre, os dentes de allo picados, as ameixas e os figos. Baixar a temperatura e cocer un par de minutos.

  10. Incorporarlle as coxas de polo e cocer todo xunto durante 15-20 minutos. Reservar.

  11. Para empratar, colocar un chisco de mollo de mandarina especiada na base do prato e as coxas de polo enriba. Decorar coas ameixas, os figos e os piñóns e botarlle por riba o ceboliño picado.

Gústanche as receitas con sabor cítrico? Proba a cociñar estas suculentas ás de polo con mermelada de laranxa amarga. Te sorprenderán!