50 min
Media
Por fin chega a castañeira! En Bon Pollo gústannos tanto as castañas que lles queremos render homenaxe coa receita de hoxe: cuartos traseiros de polo con castañas e pataca doce.
Castañas, pataca doce, chocolate, abelás e mel. Xa estás a visualizar un exquisito mollo combinando estes ingredientes, non si? Pois si: está tan rico como imaxinas. Ou máis!
Asegurámosche que, cando a probes, esta receita vai pasar a formar parte das túas favoritas. Unha auténtica delicia para os sentidos.
Elaboración
-
Pelar e picar as cebolas e as patacas doces en dados medianos (mirepoix). Reservar.
-
Pelar e picar os dentes de allo (sen o xerme) en dados pequenos (brunoise). Reservar.
-
Picar as abelás e o chocolate negro. Reservar.
-
Nun morteiro, incorporar o dente de allo, 25 g de abelás, perexil picado, sal e pementa ao gusto. Esmagar cun chorriño de aceite ata obter unha pasta (picado). Reservar.
-
Quentar un chisco de aceite de oliva nunha tixola e dourar os cuartos traseiros de polo. Salpementar por ambos os laterais e baixar o lume para cocelos. Reservar.
-
Dourar as cebolas cos dentes de allo nunha tixola cun chisco de aceite a lume medio.
-
Desglasar co viño e subir o lume para que se evapore o alcohol.
-
Incorporar as patacas doces e as especias aromáticas (canela e loureiro). Refogar durante 10 minutos a lume medio. Salpementar.
-
Engadir o caldo de polo, o chocolate, as abelás, o mel e os cuartos de polo. Cocer todo xunto durante 15 minutos a lume medio-baixo e engadirlle as castañas nos últimos 5 minutos. Se falta un pouco de líquido, engadirlle caldo de polo.
-
Incorporar o picado no guiso para espesar o mollo. Cocer un par de minutos, rectificar de sal e pementa ao gusto e reservar.
-
Para empratar, pór unha base de pataca doce e castañas. Colocar enriba un cuarto traseiro de polo e empoar co perexil picado.
Se che gusta cociñar con produtos de tempada e es fan das patacas doces, non te perdas estes muffins de polo salgado de pataca doce.