Madalenas salgadas de polo con pataca doce

Ingredientes para 4 persoas

1 bandexa de filetes de peituga de polo Bon Pollo
2 dentes de allo
2 patacas doces
2 ovos
100 g de xarope de agave
125 g de iogur natural
160 g de fariña triga
6 g de lévedo
2 g de bicarbonato sódico
150 ml de leite
Canela en po
Ourego seco
Loureiro seco
Queixo parmesano relado
Aceite de oliva
Sal

Estas madalenas salgadas de polo con pataca doce son unha auténtica delicia. Se as preparas cos pequenos da casa, pasaredes un tempiño estupendo na cociña.

O truco desta receita está en facer unha masa con todos os ingredientes: puré de pataca doce, polo fervido esfiañado, ovos, xarope, leite, iogur e aceite. Mestura todo ben e mete as madalenas ao forno nos moldes durante tres cuartos de hora. 

Por certo, á hora de empratar, podes botar un chisco de parmesano relado por riba das madalenas salgadas para lles dar ese toque umami irresistible.

Elaboración

  1. Prequentar o forno a 200 °C. 
  2. Colocar as patacas doces nunha bandexa de forno e cocer durante 40-50 minutos a 200 °C (dependendo do tamaño). Deixar a arrefriar, pelar e esmagar cun garfo ata obter un puré. Reservar.
  3. Cortar os filetes de peituga en tiras medianas. Reservar.
  4. Machucar os dentes de allo. Reservar. 
  5. Ferver os filetes de peituga nunha ola con auga e sal xunto cos allos, unhas follas de loureiro e un chisco de ourego durante 20 minutos a lume medio. Escoar, arrefriar e esfiañar o polo máis pequeno. Reservar. 
  6. Incorporar nun cunco a fariña, o lévedo, o bicarbonato e un chisco de sal e de canela. Mesturar e reservar. 
  7. Engadir noutro cunco as patacas doces machucadas (500 g), o polo esfiañado, os ovos, o xarope, o leite, o iogur e 20 ml de aceite. Mesturar.
  8. Incorporar os ingredientes secos do primeiro cunco. Mesturar ata obter unha masa homoxénea. Reservar.
  9. Engraxar os moldes das madalenas cun chisco de aceite e enchelos coa masa. 
  10. Meter ao forno durante 40-45 minutos a 180 °C con calor arriba e abaixo. Deixar a repousar un par de minutos dentro do forno apagado. 
  11. Para empratar, servir as madalenas salgadas de polo con pataca doce nun prato e botarlles por riba un chisco de queixo parmesano relado.

Se che gusta utilizar a pataca doce nas túas receitas, bótalles un ollo a estes cuartos traseiros de polo con castañas e pataca doce. Unha delicia outonal.