Paté de polo con berenxena e laranxa

Hoxe traémosvos unha receita perfecta para o verán! Trátase dun prato sinxelo, fresquiño,
lixeiro e, sobre todo, cargado de sabor. Ademais, este paté de polo con berenxena e laranxa
será o voso aliado en calquera cea que teñades que preparar para os amigos.

O truco desta elaboración está en prestar atención aos pequenos detalles, como ter
paciencia ao asar a berenxena no forno para que quede saborosa ou non esquecervos de
engadir o romeu e o allo á hora de cocer o polo para potenciar os seus aromas.

Elaboración

1. Prequentar o forno a 200 °C.
2. Lavar, cortar pola metade e realizar uns cortes na carne da berenxena.
3. Colocar a berenxena nunha bandexa de forno, engadir un chorriño de aceite e un chisco de
   sal, e cociñar a 200 °C durante 40-45 minutos Arrefriar, tallar e reservar.
4. Cortar as coxas de polo en dados medianos. Reservar.
5. Pelar e picar un dente de allo (sen o xerme) en dados pequenos (brunoise). Reservar.
6. Machucar o outro dente de allo. Reservar.
7. Espremer o zume da laranxa. Reservar.
8. Quentar un pouco o aceite nunha tixola e incorporar o dente de allo machucado xunto
   cunhas ramas de romeu. Mesturar.
9. Engadir as coxas de polo e cocer a lume medio. Salpementar e reservar.
10. Triturar cun procesador de alimentos o polo, a berenxena asada, o dente de allo en
    brunoise, o zume de laranxa, o iogur, a salsa tahini, un pouco comiño, sal e pementa (ao
    gusto). Procesar ata obter unha crema espesa e homoxénea.
11. Colocar esta crema nun bote de cristal e deixala repousar na neveira durante 1 hora como
    mínimo.
12. Para empratar, servir o paté de polo con berenxena e laranxa e acompañalo cunhas
    galletas ou unhas crudités de cenoria e cogombro. Empoar cun chisco de sésamo branco
    por riba.

Se buscas outras receitas xeniais para compartir, consulta estas empanadillas de polo de verduras. Unha delicia!