Polo ao pemento doce con arroz basmati

Ingredientes para 4 persoas

4 peitugas de polo
4 tomates maduros
1 cebola mediana
2 dentes de allo
2 culleradas de pemento doce
1/4 cullerada de caiena en po (opcional)
125 ml de crema aceda
125 ml de caldo de polo
400 g de arroz basmati
Perexil
Aceite de oliva virxe extra
Sal
Pementa

Atréveste a lle dar un toque doce ao tradicional prato de arroz con polo? O pemento, un condimento vermello que se obtén secando e moendo diversos pementos vermellos, pode ser o teu grande aliado nesta receita. A súa elaboración é sinxela e está chea de esencias sorprendentes, e ademais caracterízase polo seu gran valor nutricional.

Elaboración

  1. Cortar as peitugas de polo en dados grandes e salpementar.
  2. Realizar un corte en cruz na base dos tomates e escaldalos (botalos uns minutos en auga a ferver). Deixar a arrefriar, quitarlles a pel e picar en dados.
  3. Quentar un pouco de aceite nunha tixola, saltear o polo e reservar.
  4. Picar a cebola en mirepoix (dados de 1 cm aproximadamente) e rustrir na tixola cun chisco máis de aceite. Engadir o allo picado e sofritir.
  5. Engadir de novo o polo, o pemento e mais a caiena. Mesturar ben.
  6. Engadir os dados de tomate, o caldo de polo e a crema aceda. Ferver, tapar e deixar cociñar uns 10 minutos.
  7. Botarlle por riba un chisco de perexil picado.
  8. Ferver o arroz basmati e servir de acompañamento.

Deixámosvos outra combinación moi especial, coa que resolveredes calquera cea: crema de cenoria e abelás con polo condimentado.