1 h
Fácil
Gústanche os pratos con sabores intensos? Nese caso, esta receita é para ti: polo con patacas e chourizo. Trátase dunha versión do tradicional guiso de polo á cazola, pero nesta ocasión empregamos os cuartos traseiros, unha peza saborosa e moi versátil na cociña. Ademais, incorporámoslle o aroma irresistible do chourizo. Como acompañamento, en Bon Pollo optamos por un rustrido de patacas e verduras, ideal para mollar pan. En definitiva: unha receita sinxela coa que gañarás o favor dos teus comensais.
Elaboración
- Pelar e picar as cebolas, os nabos e as cenorias en dados medianos (mirepoix). Reservar.
- Pelar e picar as patacas. Reservar.
- Pelar e picar moi miúdo os dentes de allo (sen o xermolo). Reservar.
- Cortar o chourizo en toros. Reservar.
- Quentar un chisco de aceite de oliva nunha tixola e dourar os cuartos traseiros de polo.
- Salpementar por ambos os lados e reservar.
- Na mesma tixola, botar un chisco máis de aceite e rustrir as cebolas a lume medio.
- Cando comecen a pórse transparentes, engadir os dentes de allo e cocer durante 5 minutos.
- Engadir as cenorias, os nabos e as patacas. Refogar un par de minutos a lume medio.
- Incorporar o chourizo, as olivas negras, as follas de loureiro e as de perexil. Salpementar e sofritir durante un par de minutos.
- Engadir os cuartos traseiros. Desglasar con viño tinto e deixar reducir o alcohol un par de minutos a lume forte.
- Baixar o lume, verter o caldo e cocer o polo a lume medio-baixo e tapado durante 20 minutos. Destapar e cocer 20 minutos máis. Rectificar a cantidade de sal e pementa ao gusto.
- Servir os cuartos traseiros de polo con chourizo nun prato e decorar cun chisco de perexil picado por riba.
Se che apaixona as receitas tradicionais, este polo recheo de cabaza, mazá e uvas é para ti.