Polo con piña e anacardios

Ingredientes para 4 persoas

4 peitugas de polo
2 cebolas brancas
1 piña fresca
50 ml de viño branco
200 ml de caldo de verduras
3 culleradas de salsa de soia
100 g de anacardios
Follas de menta fresca
Aceite de oliva
Sal
Pementa negra

Atréveste a darlle un toque especial á clásica receita de polo? Déixate sorprender por esta exquisita receita con piña e anacardios. A piña, unha froita moi versátil con sabor entre doce e ácido, combina deliciosamente coa textura e o delicado sabor dos anacardios. Trátase dunha mestura de aromas e sabores moi acertada que, xunto coa suculencia do polo, dá como resultado esta excelente receita.

Elaboración

  1. Cortar as peitugas de polo en dados grandes. Reservar.
  2. Pelar a piña e picar en dados grandes (mirepoix). Facer outro tanto coa cebola e reservar.
  3. Quentar un chisco de aceite nunha tixola e rustrir as cebolas a lume medio durante un par de minutos.
  4. Engadirlle o viño branco e cociñar ata que se evapore o alcohol.
  5. Engadir os dados de polo e refogar durante 8 minutos dándolles volta regularmente. Salpementar.
  6. Incorporarlle a piña, a salsa de soia e o caldo. Refogar un par de minutos.
  7. Engadir os anacardios e tres follas de menta. Deixar cociñar a lume medio durante 10 minutos aproximadamente e rectificar de sal ou pementa se é preciso.
  8. Servir o polo con piña acompañado dunhas follas de menta por riba.

Se tes máis ganas de cociñar pratos orientais, proba este bol de ás de polo con salsa teriyaki.