mini quiche de pollo con calabaza

Quiche de polo con cabaza e cogomelos

Ingredientes para 4 persoas

1 bandexa de peituga enteira de polo Bon Pollo
2 unidades de masa quebrada
1 cebola
1 cabaza
120 g de cogomelos variados
6 ovos
250 ml de nata
80 g de queixo emmental relado
60 ml de viño branco
Aceite de oliva
Sal
Pementa negra

mini quiche de pollo con calabaza

Estas miniquiches de polo con cabaza e cogomelos son o entrante perfecto para unha celebración cos amigos ou coa familia.

Peituga de polo, cabaza, cogomelos variados, cebola, ovos, nata e queixo emmental. Con estes ingredientes, como non van estar deliciosas as nosas miniquiches? 

Por se fose pouco, a elaboración é sinxelísima. Refoga a fogo vivo a cebola, o polo e os cogomelos nunha tixola, mete ao forno os dados de cabaza e mestura todo nun cunco cos ovos, a nata e o queixo. 

Só che faltará cortar a masa quebrada en distintas porcións do tamaño dos moldes individuais e enchelas coa mestura. Iso si, lémbrate de perforalas previamente cun garfo para que non che suban. E ao forno!

Se non tes moldes para miniquiches, non te preocupes. Podes cociñar unha única quiche grande cos mesmos ingredientes: vai saír igual de rica!

Elaboración

  1. Prequentar o forno a 200 °C. 
  2. Cortar as peitugas de polo en dados medianos. Reservar. 
  3. Pelar e picar a cabaza e a cebola en dados pequenos (brunoise). Reservar. 
  4. Partir os cogomelos en anacos. Reservar. 
  5. Meter ao forno nunha bandexa os dados de cabaza cun chorriño de aceite, sal e pementa durante 30-40 minutos a 200 °C Reservar. 
  6. Quentar un chisco de aceite nunha tixola e rustrir a cebola a lume medio. Salpementar. 
  7. Desglasar co viño branco e subir o lume para que se evapore o alcohol. 
  8. Incorporar o polo e cocer durante 5 minutos a lume medio. Salpementar. 
  9. Engadir os cogomelos e fritir a lume alto durante 5 minutos máis. Reservar. 
  10. Cortar a masa quebrada segundo o tamaño dos moldes individuais. 
  11. Forrar os moldes individuais con papel vexetal e estender a masa quebrada. Picar cun garfo e colocar un peso enriba para que non se inche. Meter no forno a 180 °C durante 20 minutos. Reservar.
  12. Mesturar nun cunco os ovos coa nata. 
  13. Incorporar a cabaza cocida ao forno, o rustrido de polo e o queixo. Mesturar e salgar. 
  14. Verter a mestura nos moldes e meter ao forno durante 30-45 minutos a 180 °C, ata que as quiches queden calladas. 
  15. Para empratar, servir as miniquiches de polo e cabaza nun prato.

Se queres consultar outras receitas similares, proba con esta deliciosa videorreceita de quiche de polo con cogomelos.