30 min
Media
Descubre unha maneira diferente de preparar as peitugas de polo con esta doada e saborosa receita de roliños de polo con mollo de cogomelos. A clásica combinación de polo con champiñóns non deixa de sorprendernos, e ademais trátase dunha receita ideal tanto para tomar en frío como en quente. O segredo consiste en facer que o polo quede saboroso no interior e acompañalo cun delicioso e cremoso mollo de cogomelos como o que propomos en Bon Pollo.
Elaboración
- Cortar a peituga de polo en filetes finiños.
- Picar os champiñóns en anaquiños e o porro en xuliana fina.
- Nunha tixola, quentar un pouco de aceite e saltear o porro. Cando comece a coller cor, engadir os champiñóns e salpementar.
- Cociñar lixeiramente a peituga de polo á prancha ou nunha tixola.
- Colocar parte do recheo no centro de cada filete de peituga e enrolar.
Para o mollo
- Picar a cebola en mirepoix (dados de 1 cm aprox.)
- Engadir os champiñóns, picados tamén en láminas, e saltear.
- Agregar o cep en po, mesturar e deseguida engadir a nata para cociñar.
- Deixar que se reduza un pouco.
- Botar sal, pementa e noz moscada ao gusto.
- Pasar o mollo polo procesador ata obter unha textura fina.
- Saltear algúns champiñóns picados en dadiños. Picar o ceboliño ben fino.
- Para empratar, colocar unha base de mollo, os roliños ao lado do champiñón salteado e mais o ceboliño. Botarlle máis mollo por riba.
Queres ideas iniciais máis sorprendentes? Recomendamos estes cabaciños recheos de solombo de polo. Divertido e delicioso!