Sopa de polo con grelos e faba branca

Ingredientes para 5 persoas

1 bandexa de cuartos traseiros de Bon Pollo
160 g de grelos escaldados
150 g de entreteto
120 g de fabas brancas cocidas
100 g de fideos
50 g de unto
1 cebola
1 allo porro
2 patacas
½ fiúncho
1 nabo
75 ml de viño branco
2,5 l de auga mineral
Sésamo negro
Aceite de oliva
Sal
Pementa negra

O caldo galego é sinónimo de fogar e familia. En Bon Pollo xa temos claro o noso menú de Noiteboa: sopa de polo con grelos e fabas.

A saborosidade do polo, o punto amargo e delicioso dos grelos e a consistencia das fabas son unha combinación marabillosa. O resultado é unha auténtica homenaxe á nosa terra e o mellor remedio para os días máis fríos do inverno.

Boas festas!

Elaboración

  1. Pelar e picar a cebola, o nabo e o fiúncho en dados medianos (mirepoix). Reservar.
  2. Pelar e picar as patacas en anacos pequenos. Reservar.
  3. Pelar e cortar o allo porro en toros. Reservar.
  4. Quentar un chisco de aceite nunha ola alta e refogar a cebola co allo porro a lume medio, remexendo para que non se douren moito. Salpementar.
  5. Desglasar co viño branco e subir o lume para que se evapore o alcohol.
  6. Incorporar o resto de verduras (agás os grelos) e cocer durante 5 minutos a lume medio. Remexer.
  7. Engadir dous cuartos traseiros de polo, a auga mineral e o unto. Cocer a lume medio durante 2 h e 30 minutos coa ola tapada. Espumar (quitarlle a espuma) durante a cocción.
  8. Retirarlle o unto e os cuartos traseiros.
  9. Esmiuzar a carne e volver incorporala no caldo xunto cos grelos, as fabas brancas e os fideos. Cocer todo xunto durante 5 minutos a lume medio-baixo. Rectificarlle o sal ao gusto.
  10. Servir a sopa de polo con grelos e fabas brancas ben quente. Empoar cun chisco de sésamo negro por riba.

Se che gustan as receitas tradicionais de inverno, encantarache este cocido galego explicado paso a paso.