Tacos de polo

Os tacos, receita icónica da gastronomía mexicana, sobreviviron ao paso do tempo grazas ao seu incrible sabor e doada preparación.

De feito, existen testemuños da época prehispánica que xa sinalan a existencia deste prato. Un deles, por exemplo, indica que as tortillas se empregaban como culleres; outros, en cambio, sinalan que as mulleres envolvían a comida dos homes con tortillas para que a puidesen levar fóra de casa.

Sexa como for, estes tacos de polo especiado, cebola en vinagre e guacamole sonche unha auténtica delicia.  Deixámosche aquí a receita completa, e no noso perfil de Instagram atoparás a versión en vídeo!

Elaboración

1. Mesturar nun cunco as especias (comiño, allo, pemento en po, ourego e canela), o concentrado de tomate, 15 ml de vinagre e 20 ml de aceite.
2. Incorporar a peituga de polo, mesturar ben e deixar mariñar durante 2 horas na neveira.
3. Picar a cebola en tiras finas (xuliana).
4. Mesturar nun cunco a cebola, o vinagre restante, 100 ml de auga quente e un chisco de sal. Macerar na neveira durante 2 horas.
5. Quentar un chisco de aceite nunha tixola e dourar a peituga de polo mariñada a lume medio-alto.
6. Engadir o caldo e deixar a cocer tapado durante 10 minutos a lume baixo.
7. Retirar a peituga de polo reservando os zumes na tixola.
8. Esfiañar a carne coa axuda dun par de garfos e botar outra vez o polo