Tártaro de polo con algas

Ingredientes para 4 persoas

1 bandexa de filete de peituga aberta de Bon Pollo
14 g de alga espaguete de mar deshidratada
10 g de alga leituga de mar deshidratada
10 g de alga musgo de Irlanda deshidratada
1 cebola morada pequena
2 aguacates
100 g de olivas verdes descarabuñadas
1 limón
10 g de mostaza de Dijon
30 ml de aceite de oliva
40 ml de auga mineral
Xermolos de alfalfa
Sementes de sésamo negro
Aceite de oliva
Sal
Pementa negra

¿Quen di que non se pode elaborar un tártaro con polo? Atrévete a innovar na cociña con esta orixinal e deliciosa receita.

O tártaro adoita facerse con carne ou peixe cru, picado e condimentado. En Bon Pollo preparamos unha versión que se adapta perfectamente ao sabor do polo. Salteámolo e incorporamos a cremosidade do aguacate, o aroma picante da mostaza de Dijon e o toque salgado das algas. Unha comida lixeira e saborosa que logrará sorprenderte.

Elaboración

  1. Cortar os filetes de peituga en tiras finas. Reservar.
  2. Poñer todas as algas deshidratadas nun cunco con auga fría. Hidratar durante 5 minutos, escoar ben e picar moi fino. Reservar.
  3. Pelar e cortar a cebola morada en dados moi pequenos (brunoise). Reservar.
  4. Quentar un chisco de aceite de oliva nunha tixola e dourar as tiras de peituga. Salpementar, arrefriar e esfiañar en anacos moi pequenos. Reservar.
  5. Triturar os aguacates co zume do limón, as olivas, a mostaza de Dijon, o aceite de oliva (30 ml), sal e pementa. Engadir unha pouca auga (40 ml) ata obter unha crema lisa, brillante e non moi espesa. Rectificar o sal, a pementa ou a mostaza se é preciso.

Se che gustou esta receita creativa, non podes perder o polo de limón e caiena!